വെബ് ഡെസ്ക്
പുകവലി ആരോഗ്യം നശിപ്പിക്കും എന്നതില്‍ ആര്‍ക്കും സംശയമില്ല.
പുകവലി നിര്‍ത്താനായി ആഗ്രഹിക്കുന്നവരാണോ നിങ്ങള്‍?എന്നാല്‍, പുകവലി നിര്‍ത്താന്‍ പ്രചോദനമാകുന്ന ചില കാര്യങ്ങള്‍ പറഞ്ഞുതരാം.
ഹൃദയം സുരക്ഷിതമാക്കാം
പുകവലി നിര്‍ത്തുന്നതോടെ നിങ്ങളുടെ രക്തസമ്മര്‍ദവും ഹൃദയമിടിപ്പ് നിരക്കും കുറയും. ഹൃദ്രോഗ സാധ്യത ഒരു വര്‍ഷത്തിനുള്ളില്‍ പകുതിയായി കുറയും. പുകവലി നിര്‍ത്തുന്നതിന്റെ ഏറ്റവും ശ്രദ്ധേയമായ ഗുണം ഹൃദയാഗോഗ്യം മെച്ചപ്പെടുത്താം എന്നതാണ്.
മെച്ചപ്പെട്ട ശ്വാസകോശ പ്രവര്‍ത്തനം
ശ്വസനം എളുപ്പമാവുകയും ശ്വാസകോശത്തിന്റെ പ്രവര്‍ത്തനം ആഴ്ചകള്‍ മുതല്‍ മെച്ചപ്പെടുകയും ചെയ്യുന്നു. ശ്വാസകോശത്തിലെ സിലിയ, മൈക്രോസ്‌കോപ്പിക് രോമങ്ങളോട് സാമ്യമുള്ള അവശിഷ്ടങ്ങള്‍ നീക്കം ചെയ്യാന്‍ സഹായിക്കുന്നു, ചുമയ്ക്കും അണുബാധയ്ക്കുള്ള സാധ്യതയും കുറയ്ക്കുന്നു.
രുചിയും മണവും തിരിച്ചുപിടിക്കാം
പുകയില കൊണ്ട് രുചിയും മണവും കുറയുന്നു. പുകവലി നിര്‍ത്തുമ്പോള്‍ ഈ ഇന്ദ്രിയങ്ങള്‍ മെച്ചപ്പെടാന്‍ തുടങ്ങുന്നു, ഭക്ഷണത്തെയും സുഗന്ധങ്ങളെയും പൂര്‍ണ്ണമായി ആസ്വദിക്കാൻ നിങ്ങളെ പ്രാപ്തരാക്കുന്നു.
ക്യാന്‍സര്‍ സാധ്യത കുറവ്
വായ, തൊണ്ട, അന്നനാളം, ശ്വാസകോശം എന്നിവയുള്‍പ്പെടെയുള്ള പല മാരകരോഗങ്ങളും പുകയില ഉപയോഗം മൂലമാണ് ഉണ്ടാകുന്നത്. പുകവലി ഉപേക്ഷിച്ചതിനുശേഷം ഈ മാരകരോഗങ്ങള്‍ ഉണ്ടാകാനുള്ള സാധ്യത ഗണ്യമായി കുറയുന്നു.
മോണരോഗം, ദന്തക്ഷയം, പല്ല് നഷ്ടപ്പെടല്‍ എന്നിവയെല്ലാം പുകയില ഉപയോഗവുമായി ബന്ധപ്പെട്ടതാണ്. പുകയില ഉപയോഗം ഉപേക്ഷിക്കുന്നത് ശ്വാസ ദുര്‍ഗന്ധം കുറയ്ക്കുകയും ഓറല്‍ ക്യാന്‍സര്‍, മോണരോഗങ്ങള്‍ എന്നിവയുടെ സാധ്യത കുറയ്ക്കുകയും ചെയ്യുന്നു.
അകാല വാര്‍ധക്യത്തില്‍ നിന്ന് രക്ഷപ്പെടാം
പുകവലി ചര്‍മ്മത്തിന്റെ വാര്‍ധക്യ പ്രക്രിയയെ വേഗത്തിലാക്കുന്നു. ചുളിവുകള്‍ക്കും മങ്ങിയ നിറത്തിനും കാരണമാകുന്നു. ശരീരത്തില്‍ നിന്ന് വിഷവസ്തുക്കള്‍ നീക്കം ചെയ്യപ്പെടുകയും രക്തയോട്ടം മെച്ചപ്പെടുകയും ചെയ്യുമ്പോള്‍ അകാല വാര്‍ധക്യത്തിലേക്കുള്ള പോക്ക് തടയാന്‍ സാധിക്കും