വെബ് ഡെസ്ക്
തമിഴ് സിനിമയുടെ 'ബോക്സ് ഓഫീസ് കിങ്ങാണ്' ആരാധകർക്ക് വിജയ്. ഇനി സിനിമ മാത്രമല്ല രാഷ്ട്രീയത്തിലും ഒരു കൈ നോക്കാന്‍ ഇറങ്ങുകയാണ് അദ്ദേഹം.
ലോകേഷ് സംവിധാനത്തിൽ പുറത്തിറങ്ങിയ 'ലിയോ'യാണ് വിജയ് വെള്ളിത്തിരയിലെത്തിയ അവസാന ചിത്രം. വെങ്കട്ട് പ്രഭുവിനൊപ്പം വിജയ്‌യുടെ 68-ാമത്തെ ചിത്രമായ 'ഗോട്ട്' ആണ് ഇനി പുറത്തിറങ്ങാനുള്ളത്.
കരിയറിൽ ഹിറ്റുകളുടെ കൂട്ടത്തിൽ നിരവധി ചിത്രങ്ങൾ വിജയ് നിരസിച്ചിട്ടുണ്ട്. ഈ സിനിമകള്‍ മറ്റ് താരങ്ങള്‍ ചെയ്തപ്പോള്‍ അതും സൂപ്പര്‍ ഹിറ്റുകളായി. വിജയ് നിരസിച്ച സൂപ്പർഹിറ്റ് തമിഴ് ചിത്രങ്ങൾ ഇവയൊക്കെയാണ്
ധീന
എ ആർ മുരുഗദോസ് സംവിധാനത്തിൽ ഒരുങ്ങിയ ചിത്രത്തിൽ അജിത് ആയിരുന്നു നായകൻ. അജിത്തിനെ താരപദവിയിലേക്ക് ഉയർത്തിയ ചിത്രമായിരുന്നു 2001ൽ പുറത്തിറങ്ങിയ ധീന. വിജയ്‌യോട് ആദ്യം സംവിധായകൻ ഈ ചിത്രത്തിന്റെ കഥ പറയുന്നത്, എന്നാൽ വിജയ് അത് നിരസിക്കുകയായിരുന്നു
സിങ്കം
സൂര്യ നായകനായി എത്തിയ ചിത്രം 'സിങ്കം'വുമായി സംവിധായകൻ ഹരി ആദ്യം സമീപിച്ചത് വിജയ്നെ ആയിരുന്നു. 2010ൽ പുറത്തിറങ്ങിയസിങ്കം വൻ ഹിറ്റായിരുന്നു, തുടർന്ന് സിങ്കം 2, സിങ്കം 3 എന്നിങ്ങനെ തുടർച്ചകളും പുറത്തിറങ്ങി
സണ്ടക്കോഴി
ലിംഗുസാമി സംവിധാനം ചെയ്ത, വിശാലും മീരാ ജാസ്മിനും പ്രധാന വേഷങ്ങളിൽ അഭിനയിച്ച ആക്ഷൻ ചിത്രമാണ് സണ്ടക്കോഴി. 2005ൽ പുറത്തിറങ്ങിയ ഈ ചിത്രം വിശാലിൻ്റെ അഭിനയ ജീവിതത്തിലെ ഏറ്റവും വലിയ ഹിറ്റുകളിലൊന്നായിരുന്നു. അതേസമയം, ആദ്യ പകുതി കേട്ടതിന് ശേഷം വിജയ് ഈ ചിത്രം നിരസിച്ചതായാണ് റിപ്പോർട്ട്
ധൂൾ
ധരണി സംവിധാനം ചെയ്ത് വിക്രം നായകനായി എത്തിയ സൂപ്പർഹിറ്റ് ചിത്രമാണ് ധൂൾ. വിക്രം, ജ്യോതിക, റീമ സെൻ, വിവേക് എന്നിവരാണ് മറ്റ് പ്രധാന കഥാപാത്രങ്ങളെ അവതരിപ്പിച്ചത്. 2003ൽ പുറത്തിറങ്ങിയ ഈ ചിത്രം വിക്രമിന്റെ ബ്ലോക്ക്ബസ്റ്റർ ഹിറ്റുകളിലൊന്നായിരുന്നു. തിരക്കഥ കേട്ട് ശേഷം ഈ സിനിമയിൽ വലിയ സ്കോപ്പില്ലെന്ന് തോന്നിയാണ് വിജയ് ഈ ചിത്രം നിരസിച്ചെന്നാണ് വാർത്തകൾ
മുതൽവൻ
ശങ്കർ സംവിധാനം ചെയ്ത, കോളിവുഡിലെ എക്കാലത്തെയും മികച്ച ക്ലാസിക് ചിത്രങ്ങളിലൊന്നാണ് മുതൽവൻ. അർജുൻ, രഘുവരൻ, മനീഷ കൊയ്‌രാള എന്നിവരാണ് പ്രധാന വേഷങ്ങളിൽ എത്തിയത്. കൊമേഴ്‌സ്യൽ സിനിമകളുടെ ഭാഗമാകാനും രാഷ്ട്രീയം സംസാരിക്കുന്ന സിനിമ ചെയ്യാൻ ആഗ്രഹിക്കാത്തതുകൊണ്ടും വിജയ് ഈ ചിത്രം നിരസിക്കുകയായിരുന്നു എന്നാണ് റിപ്പോർട്ട്