അജയ് മധു
അറുപത്തിരണ്ടാമത് സംസ്ഥാന സ്കൂൾ കലോത്സവത്തിന് നാളെ കൊല്ലത്ത് തിരി തെളിയും. സംസ്ഥാനവും വേദികളും കുട്ടികലാകാരന്മാരുമെല്ലാം ഒരു ദിവസം ബാക്കി നിൽക്കെ അവസാനഘട്ട തയാറെടുപ്പുകളിലാണ്
സ്വർണ്ണക്കപ്പ് കൊല്ലത്തെത്തി. ഒപ്പം, മത്സരവിജയികള്‍ക്കും പങ്കെടുക്കുന്നവര്‍ക്കും നല്‍കാനുള്ള 12,000 പുതിയ ട്രോഫികള്‍ രാത്രിയോടെ തൃശൂരില്‍ നിന്ന് കൊല്ലത്ത് എത്തിച്ചു
സംസ്ഥാന സ്കൂൾ കലോത്സവ ട്രോഫി ആശ്രമം മൈതാനിയിലെ പ്രധാന വേദിയിൽ മന്ത്രിമാരായ വി ശിവൻകുട്ടി, കെ എൻ ബാലഗോപാൽ, എം എൽ എമാരായ എം മുകേഷ്, പി. സി വിഷ്ണുനാഥ്‌, എം നൗഷാദ് എന്നിവർ ചേർന്ന് സ്വീകരിച്ചു
59 ഇനങ്ങളിലാണ് ആദ്യദിനം മത്സരങ്ങള്‍ നടക്കുന്നത്. പതിനാലായിരത്തോളം മത്സരാര്‍ഥികള്‍ അഞ്ച് ദിവസങ്ങളിലായി വിവിധ വേദികളില്‍ എത്തും
കൊല്ലം ആശ്രാമം മൈതാനമാണ് കലോത്സവത്തിന്റെ പ്രധാന വേദി
വിവിധ ജില്ലകളിൽ നിന്നുള്ള വിദ്യാർത്ഥികളും രക്ഷകർത്താക്കളും അധ്യാപകരും കൊല്ലത്തേക്ക് എത്തിത്തുടങ്ങി
ഓട്ടോ തൊഴിലാളി സംഘടനയുടെ നേതൃത്വത്തില്‍ 30 ഓട്ടോകൾ വിദ്യാര്‍ഥികള്‍ക്കും മാതാപിതാക്കള്‍ക്കും അധ്യാപകര്‍ക്കുമായി സൗജന്യ യാത്രാസൗകര്യം ഒരുക്കുന്നുണ്ട്
ഇനിയുള്ള അഞ്ച് ദിവസക്കാലം കൊല്ലം നഗരത്തിലും ചുറ്റുവട്ടങ്ങളിമുള്ള 24 വേദികളിലുമായി കേരളത്തിലെ കുട്ടിക്കലാകാരന്മാർ ഒത്തുചേരും
ലൈവ് റിപ്പോർട്ടിങ്: കലോത്സവ വിശേഷങ്ങൾ ജനങ്ങളിലേക്ക് എത്തിക്കാൻ മാധ്യമങ്ങളും ഒരുങ്ങിക്കഴിഞ്ഞു