വെബ് ഡെസ്ക്
ശരീരഭാരം കുറയ്ക്കുക മുതല് ഉദരാരോഗ്യ സംരക്ഷണംവരെ നിരവധി ഗുണങ്ങള് രാവിലെ വെറുംവയറ്റില് ജീരകവെള്ളം കുടിക്കുന്നതിലൂടെ ലഭിക്കും
ദഹനത്തിന് സഹായിക്കുന്ന എന്സൈമുകളെ പ്രോത്സാഹിപ്പിക്കുക വഴി ഗ്യാസ് കെട്ടലും വയര്വീക്കവും പോലുള്ള പ്രശ്നങ്ങള് അകറ്റുന്നു
ഉപാപചയ നിരക്ക് കൂട്ടുന്നതിനാല് കലോറി എളുപ്പത്തില് കത്തിച്ചുകളയാനാകും. ഇത് ശരീരഭാരം നിയന്ത്രിക്കാന് സഹായിക്കും
വിശപ്പിനെ ശമിപ്പിക്കുകയും ഇടയ്ക്കിടെ ഭക്ഷണം കഴിക്കാനുള്ള തോന്നല് ഇല്ലാതാക്കുകയും ചെയ്യുന്നു. ഇത് ശരീരഭാരം കുറയ്ക്കുന്നതിലേക്കു നയിക്കും
ശരീരത്തില് ജലാംശം നിലനിര്ത്താനും ഇത് സഹായകമാണ്. വിവിധ ശാരീരികപ്രവര്ത്തനങ്ങള്ക്ക് ശരീരത്തില് ജലാംശം ആവശ്യമാണ്
രക്തത്തിലെ പഞ്ചസാരയുടെ അളവ് നിയന്ത്രിച്ചു നിര്ത്താനും വെറുംവയറ്റിലെ ജീരകവെള്ളം കുടി സഹായിക്കും. ഇന്സുലിന് സെന്സിറ്റിവിറ്റി മെച്ചപ്പെടുത്തുന്നതിലൂടെ പെട്ടെന്ന് ബ്ലഡ് ഷുഗര് കൂടുന്നത് ഒഴിവാക്കാനാകും
ശരീരത്തിലെ വിഷാംശം പുറന്തള്ളാനും ജീരകവെള്ളം സഹായിക്കുന്നു. ഇതുവഴി കരളിന്റെ ആരോഗ്യം ഉള്പ്പെടെ നിലനിര്ത്താനാകും
വിറ്റാമിനുകളാലും മിനറലുകളാലും സമൃദ്ധമായ ജീരകം പ്രതിരോധശക്തി വര്ധിപ്പിക്കുന്നു
കൊളസ്ട്രോളും രക്തസമ്മര്ദവും നിയന്ത്രിക്കുന്നതിലൂടെ ഹൃദയാരോഗ്യം സംരക്ഷിക്കാനും ഇത് ഉത്തമമാണ്