ദർശനയുടെ 'പുരുഷ പ്രേതം' റിലീസ് ഒടിടിയിൽ ; ടീസര്‍ പുറത്ത്
ജയ ജയ ജയ ജയ ഹേയ്ക്ക് ശേഷം ദർശന രാജേന്ദ്രൻ നായികയായെത്തുന്ന പുരുഷ പ്രേതം ഒടിടിയിൽ റിലീസ് ചെയ്യുന്നു. സോണി ലിവിലായിരിക്കും ചിത്രം റിലീസ് ചെയ്യുക. റിലീസ് തീയതി പ്രഖ്യാപിച്ചിട്ടില്ല . റിലീസിനോടനുബന്ധിച്ച് പുതിയ ടീസറും പുറത്തുവിട്ടിട്ടുണ്ട്.
യുവസംവിധായകന്‍ ക്രിഷാന്താണ് ചിത്രം ഒരുക്കുന്നത്. ദര്‍ശനയ്ക്ക് പുറമേ ജഗദീഷ്, അലക്സാണ്ടര് പ്രശാന്ത് എന്നിവരും ചിത്രത്തില്‍ പ്രധാന വേഷത്തില്‍ എത്തുന്നുണ്ട്. ആക്ഷേപ ഹാസ്യ വിഭാഗത്തില്‍ എത്തുന്ന ചിത്രത്തില്‍ സഞ്ജു ശിവറാം, ജെയിംസ് ഏലിയാസ്, ജോളി ചിറയത്ത്,ഗീതി സംഗീത, സിന്‍സ് ഷാന്‍, രാഹുല്‍ രാജഗോപാല്‍, ദേവിക രാജേന്ദ്രന്‍, പ്രമോദ് വെളിയനാട്, ബാലാജി, ശ്രീജിത്ത് ബാബു, മാല പാര്‍വതി, അര്‍ച്ചന സുരേഷ്, അരുണ്‍ നാരായണന്‍, നിഖില്‍(ആവാസവ്യൂഹം ഫൈയിം), ശ്രീനാഥ് ബാബു, സുധ സുമിത്ര, പൂജ മോഹന്‍രാജ് എന്നിവര്‍ക്കൊപ്പം സംവിധായകരായ ജിയോ ബേബി മനോജ് കാന എന്നിവരും പ്രധാനവേഷത്തിലെത്തുന്നുണ്ട്.
മനു തൊടുപുഴയുടെ കഥയ്ക്ക് തിരക്കഥ ഒരുക്കിയിരിക്കുന്നത് അജിത്ത് ഹരിദാസ് ആണ് .മാന്‍കൈന്‍ഡ് സിനിമാസ്, എയ്ന്‍സ്റ്റീന്‍ മീഡിയ സിമ്മെട്രി സിനിമാസ് എന്നീ ബാനറുകളില്‍ ജോമോന്‍ ജേക്കബ്, എയ്ന്‍സ്റ്റീന്‍ സാക്ക് പോള്‍, ഡിജോ അഗസ്റ്റിന്‍, സജിന്‍ എസ് രാജ്, വിഷ്ണു രാജന്‍ എന്നിവര്‍ക്കൊപ്പം അലക്സാണ്ടര് പ്രശാന്തും ചേര്‍ന്നാണ് ചിത്രം നിര്‍മ്മിക്കുന്നത്.