കേരളത്തില് തുലാവർഷം എത്തി. ഇന്ന് മുതല് ബുധനാഴ്ച വരെ ചിലയിടങ്ങളില് ഒറ്റപ്പെട്ട മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥ വകുപ്പിന്റെ പ്രവചനം. 6 ജില്ലകളിലാണ് ഇന്ന് മഞ്ഞ അലർട്ട് പ്രഖ്യാപിച്ചിരിക്കുന്നത്.
കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, പാലക്കാട് ജില്ലകളിലാണ് ഞായറാഴ്ച മഞ്ഞ അലർട്ട് പ്രഖ്യാപിച്ചിരിക്കുന്നത്. ഇവിടങ്ങളില് 24 മണിക്കൂറിനുള്ളില് 64.5 മില്ലി മീറ്റർ മുതല് 115.5 മില്ലി മീറ്റർ വരെ മഴ ലഭിച്ചേക്കും. തിരുവനനന്തപുരം, കൊല്ലം, പത്തനംതിട്ട, കോട്ടയം, എറണാകുളം, ഇടുക്കി എന്നിവിടങ്ങളിലാണ് തിങ്കളാഴ്ച യെല്ലോ അലർട്ട്.