വില കേട്ട് ഞെട്ടരുത്; മികച്ച പ്രകടനവുമായി പുതിയ നിഞ്ചയുമായി കാവസാക്കി ഇന്ത്യ

ജാപ്പനീസ് ഇരുചക്ര വാഹന നിർമാതാക്കളായ കാവസാക്കി തങ്ങളുടെ പുതിയ മോട്ടോർസൈക്കിൾ നിഞ്ച ZX-4R ഇന്ത്യൻ വിപണിയിൽ ഔദ്യോഗികമായി അവതരിപ്പിച്ചു. ആകർഷകമായ രൂപവും കരുത്തുറ്റ എഞ്ചിനും സജ്ജീകരിച്ചിരിക്കുന്ന ഈ ബൈക്കിന്റെ പ്രാരംഭ വില 8.49 ലക്ഷം രൂപയാണ് (എക്സ്-ഷോറൂം). 399 സിസി ഇൻലൈൻ-4 എഞ്ചിനുള്ള രാജ്യത്തെ ആദ്യത്തെ ബൈക്കാണിത്. വില കൂടുതലാണെങ്കിലും കമ്പനി ഈ ബൈക്കിൽ നൂതന സവിശേഷതകളും സാങ്കേതികവിദ്യയും ഉപയോഗിച്ചിട്ടുണ്ട്.

399 സിസി ശേഷിയുള്ള ലിക്വിഡ് കൂൾഡ് ഇൻലൈൻ-4 സിലിണ്ടർ എഞ്ചിനാണ് കമ്പനി ഈ ബൈക്കിൽ ഉപയോഗിച്ചിരിക്കുന്നത്. ഇത് 80 എച്ച്പി (റാം എയർ അസിസ്റ്റ് ഇല്ലാതെ 77 എച്ച്പി) ശക്തമായ പവർ സൃഷ്ടിക്കുന്നു. കാവസാക്കി ഈ ബൈക്കിന്റെ അടിസ്ഥാന വേരിയന്റ് മാത്രമാണ് ഇന്ത്യൻ വിപണിയിൽ അവതരിപ്പിച്ചത്. ഉയർന്ന വേരിയന്റുകളായ SE, ZX-4RR എന്നിവ ഇവിടെ അവതരിപ്പിച്ചിട്ടില്ല.

ബൈക്കിന് മുൻവശത്ത് അപ്-സൈഡ് ഡൌൺ (USD) ഫോർക്ക് ഉള്ള ട്രെല്ലിസ് ഫ്രെയിമും പിന്നിൽ മോണോഷോക്ക് സസ്‌പെൻഷനുമുണ്ട്. ലോകോത്തര സൂപ്പർബൈക്കായാണ് കവാസാക്കി നിഞ്ച ZX-4R കമ്പനി വികസിപ്പിച്ചിരിക്കുന്നത്. ബൈക്കിന്റെ സെന്റർ ഓഫ് ഗ്രാവിറ്റി പൊസിഷൻ, സ്വിംഗാർ പിവറ്റ് പൊസിഷൻ, എഞ്ചിൻ ആക്‌സിസ്, കാസ്റ്റർ ആംഗിൾ തുടങ്ങിയവയെല്ലാം കവാസാക്കിയുടെ ലോകോത്തര സൂപ്പർബൈക്ക് നിഞ്ച ZX-10RR റേസറിൽ നിന്ന് പ്രചോദനം ഉൾക്കൊണ്ടതാണ്. ഇതിൽ ഡ്യുവൽ ചാനൽ ആന്റി ലോക്ക് ബ്രേക്കിങ് സിസ്റ്റം സ്റ്റാൻഡേർഡായി കമ്പനി നൽകിയിട്ടുണ്ട്. മുന്നിൽ 290 എംഎം ഡിസ്‌ക് ബ്രേക്കും പിന്നിൽ 220 എംഎം ഡിസ്‌ക് ബ്രേക്കും ഉണ്ട്. 

മോട്ടോർസൈക്കിളിൽ കമ്പനി 4.3 ഇഞ്ച് ബ്ലൂടൂത്ത് പ്രവർത്തനക്ഷമമാക്കിയ കളർ TFT ഡിസ്പ്ലേയുണ്ട്. ഇത് ടേൺ-ബൈ-ടേൺ നാവിഗേഷൻ, അറിയിപ്പ് അലേർട്ടുകൾ, ട്രാക്ക് ലേഔട്ടുകൾ എന്നിവയെ കുറിച്ചുള്ള വിവരങ്ങൾ നൽകുന്നു.സ്‌പോർട്ട്, റോഡ്, റെയിൻ, കസ്റ്റമൈസ്ഡ് റൈഡർ മോഡ് എന്നിവ ഉൾപ്പെടുന്ന മൊത്തം 4 റൈഡിങ് മോഡുകൾ ഈ മോട്ടോർസൈക്കിളിൽ ലഭ്യമാണ്. മെറ്റാലിക് സ്പാർക്ക് ബ്ലാക്ക് നിറത്തിൽ മാത്രമേ നിഞ്ച ZX-4R ലഭ്യമാകൂ.