ഉത്തരേന്ത്യൻ പ്രേക്ഷകർക്ക് ഇഷ്ടം തെന്നിന്ത്യൻ സിനിമകൾ; 2022 ലെ ജനപ്രിയ ഹിന്ദി ചിത്രങ്ങളുടെ പട്ടിക പുറത്ത്

തുടർച്ചയായ പരാജയങ്ങൾക്ക് ബോളിവുഡ് ഏറ്റവും കൂടുതൽ പഴികേട്ട വർഷങ്ങളാണ് കടന്നുപോയത്. കോവിഡിന് മുൻപ് തലയുയർത്തി നിന്ന ബോളിവുഡ് സിനിമ കോവിഡിന് ശേഷം തകർന്നടിഞ്ഞു. ഈ ഘട്ടത്തിലാണ് പാൻ ഇന്ത്യൻ റിലീസായി എത്തിയ തെന്നിന്ത്യൻ ചിത്രങ്ങൾ നേട്ടം കൊയ്തതും . തമിഴ് തെലുഗു ചിത്രങ്ങളായിരുന്നു അവയിലേറെയും . പ്രമുഖ മീഡിയ കൺസൾട്ടിങ് സ്ഥാപനമായ ഓർമാക്സ് മീഡിയ 2022 ലെ ജനപ്രിയ ഹിന്ദി ചിത്രങ്ങളുടെ പട്ടിക പുറത്ത് വിട്ടിരിക്കുകയാണ് ഇപ്പോൾ. അവയിലേറെയും മൊഴിമാറ്റം ചെയ്യപ്പെട്ട തെന്നിന്ത്യൻ ചിത്രങ്ങളാണെന്നതാണ് കൗതുകം

ഓർമാക്സ് മീഡിയയുടെ പട്ടിക ഇങ്ങനെ

1. കെജിഎഫ് 2 (ഹിന്ദി പതിപ്പ് )

2. ആർ ആർ ആർ (ഹിന്ദി)

3. കാന്താര (ഹിന്ദി)

4. ദ കശ്മീർ ഫയൽസ്

5. ദൃശ്യം 2

6. റോക്കട്രി (ഹിന്ദി)

7. ഭൂൽ ഭൂല്ലയ്യ 2

8. ഗംഗുഭായ് കത്തിയവാഡി

9. കാർത്തികേയ 2 (ഹിന്ദി)

10. പൊന്നിയിൻ സെൽവൻ (ഹിന്ദി )

എന്നാൽ 2023 ൽ വിജയ വഴിയിലേക്ക് തിരിച്ചെത്താനാകുമെന്ന പ്രതീക്ഷയിലാണ് ബോളിവുഡ്. ആ പ്രതീക്ഷയ്ക്ക് തിളക്കം കൂട്ടി പഠാൻ ബ്ലോക് ബസ്റ്റർ വിജയത്തിലേക്ക് കുതിക്കുകയാണ് . നാല് ദിവസം കൊണ്ട് 400 കോടി ക്ലബിൽ ഇടം പിടിച്ച പഠാനും , അണിയറയിൽ ഒരുങ്ങുന്ന ബിഗ് ബജറ്റ് ചിത്രങ്ങളും പ്രതാപം തിരിച്ച് പിടിക്കുമെന്ന പ്രതീക്ഷയിലാണ് ബോളിവുഡ്