കേക്കുമായി മമ്മൂട്ടിയെത്തി; ടർബോ ലൊക്കേഷനിൽ പുതുവത്സരം ആഘോഷിച്ച് രാജ് ബി ഷെട്ടിയും അണിയറപ്രവർത്തകരും

2024 ൽ പ്രേക്ഷകർ ഏറെ പ്രതീക്ഷയോടെ കാത്തിരിക്കുന്ന ചിത്രങ്ങളിൽ ഒന്നാണ് ടർബോ. മമ്മൂട്ടി നായകനാവുന്ന ചിത്രം മിഥുൻ മാനുവൽ തോമസിന്റെ ബാനറിൽ വൈശാഖ് ആണ് സംവിധാനം ചെയ്യുന്നത്.

ചിത്രീകരണം നടന്നുകൊണ്ടിരിക്കുന്ന 'ടർബോ'യുടെ ലൊക്കേഷനിലായിരുന്നു ഇത്തവണ മമ്മൂട്ടിയുടെ ന്യൂയർ ആഘോഷം. ലൊക്കേഷനിൽ കേക്കുമായി എത്തിയ മമ്മൂട്ടി അണിയറ പ്രവർത്തകർക്കൊപ്പം കേക്ക് മുറിച്ച് പുതുവത്സരാഘോഷങ്ങൾക്ക് തുടക്കമിട്ടു.

കന്നട താരം രാജ് ബി ഷെട്ടിയടക്കമുള്ളവർ ലൊക്കേഷനിൽ ഉണ്ടായിരുന്നു. ആഘോഷങ്ങളുടെ വീഡിയോ സോഷ്യൽ മീഡിയയിൽ വൈറലാണ്. 'കണ്ണൂർ സ്‌ക്വാഡ്'ന്റെയും 'കാതൽ ദി കോർ'ന്റെയും വിജയത്തിന് ശേഷം മമ്മൂട്ടി കമ്പനി നിർമിക്കുന്ന 'ടർബോ' വൈശാഖാണ് സംവിധാനം ചെയ്യുന്നത്.

ഒരിടവേളക്ക് ശേഷം മമ്മൂട്ടി അച്ചായൻ കഥാപാത്രമായി എത്തുന്ന ചിത്രം ആരാധകർ ഏറെ പ്രതീക്ഷയോടെയാണ് കാത്തിരിക്കുന്നത്. ടർബോയുടെ കേരളാ ഡിസ്ട്രിബ്യൂഷൻ വേഫറർ ഫിലിംസും ഓവർസീസ് പാർട്ണർ ട്രൂത്ത് ഗ്ലോബൽ ഫിലിംസുമാണ്. ജസ്റ്റിൻ വർഗീസിന്റെതാണ് സംഗീതം. വിഷ്ണു ശർമയാണ് ഛായാഗ്രഹകൻ. ചിത്രസംയോജനം ഷമീർ മുഹമ്മദ് നിർവ്വഹിക്കും.

എക്സിക്യൂട്ടീവ് പ്രൊഡ്യുസർ: ജോർജ് സെബാസ്റ്റ്യൻ, പ്രൊഡക്ഷൻ ഡിസൈനർ: ഷാജി നടുവിൽ, ആക്ഷൻ ഡയറക്ടർ: ഫൊണിക്സ് പ്രഭു, ലൈൻ പ്രൊഡ്യൂസർ: സുനിൽ സിംഗ്, കോ-ഡയറക്ടർ: ഷാജി പടൂർ, കോസ്റ്റ്യൂം ഡിസൈനർ: മെൽവി ജെ & ആഭിജിത്ത്, മേക്കപ്പ്: റഷീദ് അഹമ്മദ് & ജോർജ് സെബാസ്റ്റ്യൻ, പ്രൊഡക്ഷൻ കൺട്രോളർ: ആരോമ മോഹൻ, ചീഫ് അസോസിയേറ്റ് ഡയറക്ടർ: രാജേഷ് ആർ കൃഷ്ണൻ, പബ്ലിസിറ്റി ഡിസൈൻസ്: യെല്ലോ ടൂത്ത്, ഡിജിറ്റൽ മാർക്കറ്റിംഗ്: വിഷ്ണു സുഗതൻ, പിആർഒ: ശബരി.