ആക്ഷൻ മാത്രമല്ല, അൽപം റൊമാൻസുമുണ്ട്; ശ്രദ്ധ നേടി 'ദസറ'യിലെ സെക്കൻഡ്  സിംഗിൾ

ആക്ഷൻ മാത്രമല്ല, അൽപം റൊമാൻസുമുണ്ട്; ശ്രദ്ധ നേടി 'ദസറ'യിലെ സെക്കൻഡ് സിംഗിൾ

നവാഗതനായ ശ്രീകാന്ത് ഒഡേല സംവിധാനം ചെയ്ത് നാനി നായകനാകുന്ന ബിഗ് ബജറ്റ് പാൻ ഇന്ത്യൻ ചിത്രം 'ദസറ' റിലീസിന് ഒരുങ്ങുന്നു

നാനി നായകനാകുന്ന ആദ്യ ബിഗ് ബജറ്റ് പാൻ ഇന്ത്യൻ ചിത്രം 'ദസറ'യിലെ സെക്കൻ്റ് സിംഗിൾ പുറത്തിറങ്ങി. നവാഗതനായ ശ്രീകാന്ത് ഒഡേല സംവിധാനം ചെയ്യുന്ന ചിത്രത്തിലെ 'ഓ ഭായി...' എന്ന് തുടങ്ങുന്ന ​ഗാനമാണ് ഇപ്പോൾ ശ്രദ്ധ നേടുന്നത്. മാസ് ആക്ഷൻ എന്റർടെയ്‌നറായി എത്തുന്ന ദസറയിലെ നായിക കീർത്തി സുരേഷാണ്. ഇതിനോടകം പുറത്തുവന്ന ചിത്രത്തിലെ ക്യാരക്ടർ പോസ്റ്ററുകളും ആദ്യ ഗാനവും ടീസറുമെല്ലാം മികച്ച പ്രതികരണം നേടിയിരുന്നു. സിനിമയ്ക്ക് വേണ്ടിയുള്ള നാനിയുടെ ഗെറ്റപ്പ് ചേഞ്ചും ശ്രദ്ധിക്കപ്പെട്ടിരുന്നു.

പെദ്ദപ്പള്ളി ജില്ലയിലെ ഗോദാവരികാനിയിലെ (തെലങ്കാന) സിംഗരേണി കൽക്കരി ഖനിയിൽ സ്ഥിതി ചെയ്യുന്ന ഒരു ഗ്രാമത്തിലാണ് ചിത്രത്തിന്റെ കഥ നടക്കുന്നത്. ചിത്രത്തിൽ നാനി തെലുങ്കാന ഭാഷയാണ് കൈകാര്യം ചെയ്യുന്നത്. ശ്രീ ലക്ഷ്മി വെങ്കിടേശ്വര സിനിമാസിന്റെ ബാനറിൽ സുധാകർ ചെറുകുരി നിർമ്മിക്കുന്ന ചിത്രം നാനിയുടെ കരിയറിലെ തന്നെ ഏറ്റവും വലിയ പ്രോജക്റ്റുകളിൽ ഒന്നാണ്.

തെലുങ്ക്, തമിഴ്, കന്നഡ, മലയാളം, ഹിന്ദി എന്നിങ്ങനെ 5 ഭാഷകളിലായാണ് ദസറ റിലീസിനെത്തുക. സമുദ്രക്കനി,ഷൈൻ ടോം ചാക്കോ, സായ് കുമാർ, സറീന വഹാബ് എന്നിവരാണ് മറ്റ് പ്രധാന അഭിനേതാക്കൾ. സത്യൻ സൂര്യൻ ഐഎസ്സി ഛായാഗ്രഹണം നിർവഹിക്കുന്ന ചിത്രത്തിന്റെ സംഗീതം സന്തോഷ് നാരായണനാണ്. പ്രൊഡക്ഷൻ ബാനർ: ശ്രീ ലക്ഷ്മി വെങ്കിടേശ്വര സിനിമാസ്. ഛായാഗ്രഹണം : സത്യൻ സൂര്യൻ ISC. എഡിറ്റർ: നവീൻ നൂലി. പ്രൊഡക്ഷൻ ഡിസൈനർ: അവിനാഷ് കൊല്ല. എക്സിക്യൂട്ടീവ് പ്രൊഡ്യൂസർ: വിജയ് ചഗന്തി. സംഘട്ടനം: അൻബറിവ്. പിആർഒ: ശബരി

logo
The Fourth
www.thefourthnews.in