ഋഷബ് ഷെട്ടിയുടെ കന്നട ചിത്രം കാന്താരാ മലയാളത്തിലേക്കെത്തിച്ച് പൃഥ്വിരാജ്

ഋഷബ് ഷെട്ടിയുടെ കന്നട ചിത്രം കാന്താരാ മലയാളത്തിലേക്കെത്തിച്ച് പൃഥ്വിരാജ്

ചിത്രം തിയറ്ററില്‍ പോയി കാണാതിരിക്കരുതെന്ന് ആരാധകരോട് പൃഥ്വിരാജ്

മലയാളത്തിലേക്ക് വീണ്ടും ഒരു മൊഴിമാറ്റ ചിത്രം എത്തുകയാണ്. ഋഷബ് ഷെട്ടി നായകനായ കന്നട ചിത്രം 'കാന്താര' മലയാളത്തിലേക്ക് എത്തിക്കുന്നത് പൃഥ്വിരാജാണ്. ചിത്രത്തിന്‍റെ കന്നട പതിപ്പ് കണ്ടതിന് ശേഷം എനിക്കിത് ചെയ്യാതിരിക്കാനായില്ല എന്നാണ് പൃഥ്വിരാജ് ട്വിറ്ററില്‍ കുറിച്ചത്. കാന്താര മലയാളത്തിലേക്ക് എത്തുകയാണെന്നും, കേരളത്തിലെ തീയറ്ററുകളിലുടനീളം റിലീസ് ചെയ്യുന്ന ചിത്രം ആരും കാണാതെ പോകരുതെന്നും ട്വീറ്റിലുണ്ട്.

സെപ്റ്റംബര്‍ മുപ്പതിന് കന്നടയില്‍ റിലീസ് ചെയ്ത ചിത്രം വലിയ നിരൂപക പ്രശംസ നേടുകയുണ്ടായി. കന്നട സൂപ്പര്‍താരങ്ങളായ കിച്ച സുധീപ് തുടങ്ങി രക്ഷിത് ഷെട്ടി സോഷ്യല്‍ മീഡിയയില്‍ സിനിമോടുളള ഇഷ്ടം പ്രകടിപ്പിച്ചത്. മലയാളത്തിലേക്കുള്ള ചിത്രത്തിന്‍റെ മൊഴിമാറ്റം അറിയിക്കുന്നതിന് മുമ്പെ പൃഥ്വിരാജ് തന്‍റെ ട്വിറ്റര്‍ അക്കൗണ്ടിലൂടെ ചിത്രത്തിനെയും സംവിധായകനെയും നിര്‍മാതാക്കളായ ഹോംബാലെ ഫിലിംസിനെയും പ്രശംസിച്ചിരുന്നു.

കാന്താര ഒരു അഭിമാനകരമായ സിനിമാ നേട്ടമാണ്. ഋഷബ് ഷെട്ടി ക്യാമറയ്ക്കു മുമ്പിലും പിന്നിലും ഒരു സമ്പൂര്‍ണ പ്രതിഭയാണ്. എത്ര അത്ഭുതകരമായ ഉള്ളടക്കങ്ങളുടെ പോര്‍ട്ട് ഫോളിയോ ആണ് നിങ്ങള്‍ നിര്‍മിക്കുന്നത്. ഇതിന് വഴിനയിക്കുന്നതിന് നന്ദി എന്നും പൃഥ്വിരാജ് ചിത്രത്തിനെ കുറിച്ച് കഴിഞ്ഞ ദിവസം ട്വിറ്ററില്‍ കുറിച്ചിരുന്നു.

കെജിഎഫ് എന്ന ബിഗ്ബജറ്റ് ചിത്രത്തിന്‍റെ നിര്‍മാതാക്കളായ ഹോംബാലെ ഫിലിംസാണ് കാന്താരയും നിര്‍മിച്ചിരിക്കുന്നത്. ഋഷബ് ഷെട്ടി് തിരകഥയും സംവിധാനവും നിര്‍വഹിക്കുന്ന കാന്താര ഒരു ആക്ഷന്‍ ത്രില്ലര്‍ സിനിമയാണ്. കര്‍ണാടകയിലെ കേരാടി പശ്ചാത്തലം ആക്കിയ ചിത്രം ഡിആര്‍എഫ്ഓ ഉദ്യേഗസ്ഥനുമായി തര്‍ക്കത്തിലേര്‍പ്പെടുന്ന കമ്പള ചാമ്പ്യന്‍റെ കഥയാണ്.

logo
The Fourth
www.thefourthnews.in