ഐഎഎസ് തലപ്പത്ത് അഴിച്ചുപണി; റാണി ജോര്‍ജ് സാമൂഹികനീതി വകുപ്പ് പ്രിന്‍സിപ്പല്‍ സെക്രട്ടറി
സംസ്ഥാനത്ത് ഐഎഎസ് തലപ്പത്ത് അഴിച്ചുണി നടത്തി സര്‍ക്കാര്‍. റാണി ജോര്‍ജിന് സാമൂഹിക നീതിവകുപ്പ് പ്രിന്‍സിപ്പല്‍ സെക്രട്ടറിയായി ചുമതല നല്‍കി. കാർഷിക പ്രിൻസിപ്പൽ സെക്രട്ടറി ബി.അശോക് കാർഷിക ഉൽപ്പാദന കമ്മിഷണറുടെ ചുമതലകൂടി വഹിക്കും. കെ ബിജു പൊതുമരാമത്ത് വകുപ്പ് സെക്രട്ടറിയായും മിനി ആന്റണി സാംസ്‌കാരിക വകുപ്പ് സെക്രട്ടറിയായും ചുമതലയേല്‍ക്കും.
പ്രണബ് ജോതിനാഥ് കായിക - യുവജനക്ഷേമ സെക്രട്ടറിയാകും. എം ശിവശങ്കര്‍ ഈ മാസം 31ന് വിരമിക്കുന്ന ഒഴിവിലേക്കാണ് നിയമനം. എസ് ചിത്ര പാലക്കാട് ജില്ലാ കലക്ടറാകും. , ഇപ്പോഴത്തെ പാലക്കാട് കളക്ടര്‍ ജോഷി മൃണ്‍മയി ശശാങ്ക് നാഷണല്‍ ഹെല്‍ത്ത് മിഷന്റെ സംസ്ഥാന ഡയറക്ടറാകും.
അശോക് കുമാര്‍ സിങ്ങിനെ ജലവിഭവ വകുപ്പ് സെക്രട്ടറിയായാണ് നിയമിക്കുക. തുറമുഖ സെക്രട്ടറി കെ.ബിജുവിനെ പിഡബ്ല്യുഡി സെക്രട്ടറിയാക്കി. പിഡബ്ല്യുഡി സെക്രട്ടറി അജിത് കുമാറിന് തൊഴില്‍ വകുപ്പിലാണ് നിയമനം. വിഴിഞ്ഞം തുറമുഖത്തിന്റെ മാനേജിങ് ഡയറക്ടറായി കെ ഗോപാലകൃഷ്ണനെ നിയമിച്ചു.
