സംസ്ഥാനത്ത് ഇന്ന് ചെറിയ പെരുന്നാൾ

സംസ്ഥാനത്ത് ഇന്ന് ചെറിയ പെരുന്നാൾ

ഒമാനിലും ചെറിയപെരുന്നാള്‍ ഇന്ന്

സംസ്ഥാനത്ത് ഇന്ന് ചെറിയ പെരുന്നാൾ. 30 ദിവസത്തെ റംസാന്‍ വ്രതാനുഷ്ഠാനത്തിന് ശേഷം പെരുന്നാൾ ആഘോഷത്തിലാണ് ഇസ്ലാംമത വിശ്വാസികള്‍. മസ്ജിദുകളിലും ഈദ്ഗാഹുകളിലും നടക്കുന്ന പെരുന്നാള്‍ നമസ്കാരങ്ങളിലും പ്രാര്‍ത്ഥനകളിലും വിശ്വാസികള്‍ പങ്കെടുക്കും.

കടുത്ത ചൂടിനെ അതിജീവിച്ചാണ് ഇത്തവണ 30 ദിവസത്തെ റംസാൻ വ്രതം വിശ്വാസികള്‍ പൂർത്തിയാക്കിയത്. പുതുവസ്ത്രങ്ങളണിഞ്ഞ് മസ്ജിദുകളിലെത്തി പെരുന്നാള്‍ നമസ്‌കാരത്തിന് ശേഷം പരസ്പരം ആശ്ലേഷിച്ചും സന്തോഷം പങ്കുവച്ചുമാണ് ഓരോരുത്തരും വീടുകളിലേക്ക് മടങ്ങുക. കുടുംബാംഗങ്ങള്‍ ഒത്തുചേര്‍ന്ന് ചെറിയപെരുന്നാള്‍ സന്തോഷം പങ്കിടും. ശേഷം ബന്ധുവീടുകളിലും സുഹൃദ് വീടുകളിലേക്കുമുള്ള സന്ദര്‍ശനം.

ഒമാനിലും ഇന്നാണ് ഈദുല്‍ ഫിത്തര്‍. മറ്റ് ഗൾഫ് രാജ്യങ്ങളില്‍ വെള്ളിയാഴ്ചയായിരുന്നു ഈദ് ആഘോഷം. മക്കയിലെ ഹറം പള്ളിയിലും മദീനയിലും പെരുന്നാൾ നമസ്കാരത്തിന് ലക്ഷക്കണക്കിന് വിശ്വാസികളാണ് പങ്കെടുത്തത്.

logo
The Fourth
www.thefourthnews.in