ആഡംബരം നിറച്ച ആനവണ്ടി; സ്വിഫ്റ്റിന്റെ പുതിയ സീറ്റര്‍ കം സ്ലീപ്പര്‍ ബസുകൾ നിരത്തിലേക്ക്

കെഎസ്ആർടിസി സ്വിഫ്റ്റിന്റെ പുതിയ സീറ്റര്‍ കം സ്ലീപ്പര്‍ ബസുകൾ നിരത്തിലേക്ക്. ഹൈബ്രിഡ് എന്ന പേരിലാണ് രണ്ട് പുതിയ ബസുകൾ തിരുവനന്തപുരം-കാസർഗോഡ് റൂട്ടിൽ പരീക്ഷണാടിസ്ഥാനത്തിൽ ഓടിത്തുടങ്ങുന്നത്.

27 സീറ്റുകളും 15 കിടക്കകളും ഉള്ള വാഹനത്തിൽ നിരവധി അത്യാധുനിക സംവിധാനങ്ങളും ഉൾപ്പെടുത്തിയിട്ടുണ്ട്. എസി ബസും നോൺ എസി ബസും ഹൈബ്രിഡ് ശ്രേണിയുടെ ഭാഗമായി സ്വിഫ്റ്റ്‌ വാങ്ങിയിട്ടുണ്ട്. അടുത്ത മാസത്തോടെ രണ്ട് ബസുകളും സർവീസ് ആരംഭിക്കും.