KERALA
നിയമങ്ങൾ കെഎസ്ആർടിസിക്ക് ബാധകമല്ലേ!
ഒരു മണിക്കൂറില്‍ തമ്പാനൂര്‍ കെഎസ്ആര്‍ടിസി സ്റ്റാന്‍ഡിലെത്തിയ വാഹനങ്ങളുടെ നിയമലംഘന വിവരങ്ങളാണ് ഞങ്ങള്‍ പരിശോധിച്ചത്
കഴിഞ്ഞ ആഴ്ചയാണ് പാലക്കാട് വടക്കഞ്ചേരിയില്‍ ടൂറിസ്റ്റ് ബസിന്റെ മരണപ്പാച്ചില്‍ ഒൻപത് ജീവ‍ന്‍ പൊലിഞ്ഞത്. ബ്ലാക്ക് ലിസ്റ്റില്‍പ്പെട്ട വാഹനം അപകടത്തില്‍പ്പെട്ടതുമുതല്‍ തിരക്കിട്ട പരിശോധനയിലാണ് മോട്ടോര്‍ വാഹന വകുപ്പ്. ബ്ലാക്ക് ലിസ്റ്റില്‍പ്പെട്ട ടൂറിസ്റ്റ് ബസുകളുടെ ഫിറ്റ്‌നസ് റദ്ദാക്കുമെന്നും, അമിതവേഗതയ്ക്ക് ഡ്രൈവറുടെ ലൈസന്‍സ് സസ്‌പെന്‍ഡ് ചെയ്യുമെന്നും മോട്ടോര്‍ വാഹന വകുപ്പ് അറിയിച്ചു. എന്നാല്‍ ഈ നിയമങ്ങള്‍ ഒന്നും സാധാരണക്കാര്‍ ആശ്രയിക്കുന്ന കെഎസ്ആര്‍ടിസി ബസുകള്‍ക്ക് ബാധകമല്ലേ???അമിതവേഗതയ്ക്ക് കരിമ്പട്ടികയില്‍പ്പെട്ട എത്ര കെഎസ്ആര്‍ടിസി ബസുകള്‍ സര്‍വീസ് നടത്തുന്നുണ്ടെന്ന് കണ്ടെത്താനായിരുന്നു ഞങ്ങളുടെ അന്വേഷണം.
