KERALA
യേശുദാസിനെ കല്ലെറിഞ്ഞോ? പ്രതിക്കും പറയാനുണ്ട്...
24 വര്‍ഷങ്ങത്തിന് ശേഷവും തന്റെ നിരപരാധിത്വം തെളിയിക്കാൻ നിയമപോരാട്ടം നടത്തേണ്ട അവസ്ഥയാണ് അന്‍പത്തിയാറുകാരനായ എന്‍ വി അസീസിന്
1999ല്‍ കോഴിക്കോട് ബീച്ചില്‍ ഗാനമേള നടക്കുന്നതിനിടെ ഗാന ഗന്ധര്‍വന്‍ യേശുദാസിനെയും ചിത്രയെയും കല്ലെറിഞ്ഞ ആള്‍ 24 വര്‍ഷങ്ങള്‍ക്ക് ശേഷം അറസ്റ്റില്‍. 24 വര്‍ഷവും പ്രതി ഒളിവിലായിരുന്നുവെന്നാണ് കോഴിക്കോട് നടക്കാവ് പോലീസ് പറയുന്നത്. അറസ്റ്റിലായ പ്രതിയെ കോടതി ജാമ്യത്തില്‍ വിട്ടെങ്കിലും 24 വര്‍ഷത്തിന് ശേഷവും തന്റെ നിരപരാധിത്വം തെളിയിക്കാനായി നിയമപോരാട്ടം നടത്തേണ്ട അവസ്ഥയിലാണ് അന്‍പത്തിയാറുകാരനായ എന്‍ വി അസീസ്. ഉദ്യോഗസ്ഥര്‍ മാറിമാറി വന്നെങ്കിലും കേസ് അവസാനിപ്പിക്കാന്‍ പോലീസിന് അസീസിനെ കോടതിയില്‍ ഹാജരാക്കിയെ മതിയാകുമായിരുന്നുള്ളു, എന്നാല്‍ വര്‍ഷങ്ങളായി കോഴിക്കോട് പഴക്കച്ചവടം നടത്തുന്ന അസീസിന് കേസുമായി ബന്ധപ്പെട്ട് മറ്റൊരു കഥയാണ് പറയാനുള്ളത്.
