സംഘര്‍ഷമൊഴിയാത്ത ഇസ്രയേല്‍, കത്തോലിക്കാ സഭയുടെ അധിപനായി പത്ത് വര്‍ഷം പിന്നിടുന്ന ഫ്രാന്‍സിസ് മാര്‍പ്പാപ്പ
കുറച്ച് മാസങ്ങളായി ഇസ്രയേലില്‍ സര്‍ക്കാര്‍ വിരുദ്ധ മുദ്രാവാക്യങ്ങളുമായി ജനങ്ങള്‍ തെരുവിലാണ്. ബെഞ്ചമിന്‍ നെതന്യാഹുവിന്റെ നേതൃത്വത്തിലുള്ള സര്‍ക്കാര്‍ നീതി ന്യായ രംഗത്ത് കൊണ്ടുവന്നിട്ടുള്ള പരിഷ്‌കാരങ്ങളാണ് ഇസ്രയേലിലെ ജനങ്ങളെ ചൊടിപ്പിച്ചിരിക്കുന്നത്. തീവ്ര വലതുപക്ഷമായി സഖ്യത്തിലേര്‍പ്പെട്ടിരിക്കുന്ന ബെഞ്ചമിന്‍ സര്‍ക്കാര്‍ അവര്‍ക്ക് നല്‍കിയ വാഗ്ദാനങ്ങള്‍ പാലിക്കാനുള്ള നെട്ടോട്ടത്തിലാണ്.
ഫ്രാന്‍സിസ് മാര്‍പ്പാപ്പ കത്തോലിക്കാ സഭയുടെ അധിപനായി ചുമതലയേറ്റിട്ട് പത്ത് വര്‍ഷം തികയുകയാണ്. യഥാര്‍ഥ ശക്തി സേവനമാണെന്ന് പ്രഖ്യാപിച്ച് 2013 ലാണ് അദ്ദേഹം മാര്‍പ്പാപ്പ് പദവി സ്വീകരിക്കുന്നത്. ലോകത്തിന് അദ്ദേഹം പകര്‍ന്ന സഹോദര്യത്തിന്റെയും പാരസ്പര്യത്തിന്റെയും മൂല്യങ്ങള്‍ പത്ത് വര്‍ഷം പിന്നിടുമ്പോള്‍ ചര്‍ച്ച ചെയ്യണ്ടത് അനിവാര്യമാണ്.
സ്പെയിനില്‍ നടപ്പിലാക്കാനിരിക്കുന്ന പരിഷ്‌കാരങ്ങള്‍ ഇപ്പോള്‍ വിവാദമായിക്കൊണ്ടേയിരിക്കുകയാണ്. സ്ത്രീകളുടെയും ലൈംഗിക ന്യൂനപക്ഷങ്ങളുടെയും അവകാശ സംരക്ഷണത്തില്‍ നിര്‍ണായക കാല്‍വെയ്പാണ് പരിഷ്‌കാരങ്ങളിലൂടെ മന്ത്രി ഐറിന്‍ മൊണ്ടെറോ നടപ്പിലാക്കാന്‍ ഉദ്ദേശിക്കുന്നത്.
