കോള്‍ റെക്കോഡിങ്ങും എഐ ട്രാന്‍സ്ക്രിപ്ഷനും; ഫീച്ചറുകള്‍ ഇന്ത്യയിലും അവതരിപ്പിക്കാന്‍ ട്രൂകോളർ

കോള്‍ റെക്കോഡിങ്ങും എഐ ട്രാന്‍സ്ക്രിപ്ഷനും; ഫീച്ചറുകള്‍ ഇന്ത്യയിലും അവതരിപ്പിക്കാന്‍ ട്രൂകോളർ

ഐഒഎസിലും ആന്‍ഡ്രോയിഡിലും വ്യത്യസ്തമായാണ് കോള്‍ റെക്കോഡിങ് ഫീച്ചർ പ്രവർത്തിക്കുക

കോള്‍ റെക്കോഡിങ്ങും നിർമിതബുദ്ധി (എഐ) ഉപയോഗിച്ചുള്ള ട്രാന്‍സ്ക്രിപ്ഷന്‍ (പകർപ്പെഴുത്ത്) ഫീച്ചറും ഇന്ത്യയില്‍ അവതരിപ്പിക്കാന്‍ ട്രൂകോളർ. ഇരുസവിശേഷതകളും 2023 ജൂണില്‍ അമേരിക്കയില്‍ ലഭ്യമായിരുന്നു. ലോകത്തിന്റെ കൂടുതല്‍ മേഖലകളിലേക്ക് ഫീച്ചർ വ്യാപിപ്പിക്കുക എന്ന ലക്ഷ്യമാണ് നീക്കത്തിന് പിന്നില്‍.

ആന്‍ഡ്രോയിഡ്, ഐഒഎസ് ഉപയോക്താക്കള്‍ക്ക് ഇനിമുതല്‍ ട്രൂകോളറിലൂടെ കോളുകള്‍ റെക്കോഡ് ചെയ്യാനാകും. ഇതിന് പുറമെ കോള്‍ റെക്കോഡിങ് എഐ ഉപയോഗിച്ച് ട്രാന്‍സ്ക്രൈബ് ചെയ്യാനുമാകും. പ്രീമിയം അംഗങ്ങള്‍ക്കായിരിക്കും ഫീച്ചർ ലഭ്യമാകുക.

ആപ്പിനുള്ളില്‍ നിന്നുതന്നെ കോള്‍ റെക്കോഡിങ് സാധ്യമാകും. ഇതിനായി മറ്റ് ആപ്പുകള ആശ്രയിക്കേണ്ടതില്ല. കോള്‍ റെക്കോഡിങ് പൂർണമായതിന് ശേഷമായിരിക്കും ട്രാന്‍സ്ക്രിപ്ശന്‍ ലഭിക്കുക. നേരത്തെയും ആപ്ലിക്കേഷനില്‍ കോള്‍‍ റെക്കോഡിങ് സാധ്യമായിരുന്നു. എന്നാല്‍ ഗൂഗിളിന്റെ നിയന്ത്രണം മൂലം ഫീച്ചർ നിർത്തലാക്കുകയായിരുന്നു.

കോള്‍ റെക്കോഡിങ്ങും എഐ ട്രാന്‍സ്ക്രിപ്ഷനും; ഫീച്ചറുകള്‍ ഇന്ത്യയിലും അവതരിപ്പിക്കാന്‍ ട്രൂകോളർ
ട്രാന്‍സ്‌പെരന്റ് ഡിസ്പ്ലെ ലാപ്ടോപ് അവതരിപ്പിച്ച് ലെനൊവൊ; ലോകത്തില്‍ ആദ്യം

ഐഒഎസിലും ആന്‍ഡ്രോയിഡിലും വ്യത്യസ്തമായാണ് കോള്‍ റെക്കോഡിങ് ഫീച്ചർ പ്രവർത്തിക്കുക. തേഡ് പാർട്ടി ആപ്ലിക്കേഷനുകളുടെ കാര്യത്തില്‍ ഐഫോണില്‍ കൂടുതല്‍ നിയന്ത്രണങ്ങളുണ്ട്. അതിനാല്‍ ട്രൂകോളറിലെ സേർച്ച് പേജില്‍ പോയതിനുശേഷം റെക്കോഡ് കോള്‍ എന്ന ഓപ്ഷന്‍ ഉപയോഗിക്കണം.

ആന്‍ഡ്രോയിഡില്‍ എളുപ്പമാണ് കാര്യങ്ങള്‍. ട്രൂകോളർ ഡയലറിനൊപ്പം തന്നെ റെക്കോഡിങ്ങിനുള്ള ഓപ്ഷനും നല്‍കിയിട്ടുണ്ട്. ആന്‍ഡ്രോയിഡിലും ഐഒഎസിലും കോള്‍ പൂർത്തിയായിക്കഴിഞ്ഞാല്‍ ട്രാന്‍സ്ക്രിപ്ഷനായുള്ള നോട്ടിഫിക്കേഷന്‍ ലഭിക്കും. ഇംഗ്ലീഷിലും ഹിന്ദിയിലും ട്രാന്‍സ്ക്രിപ്ഷന്‍ ലഭ്യമാണ്.

logo
The Fourth
www.thefourthnews.in