ഫോണിന്റെ നിയന്ത്രണം ഏറ്റെടുക്കുന്ന 13 ആൻഡ്രോയിഡ് ആപ്പുകളെക്കുറിച്ച് മുന്നറിയിപ്പ് നൽകി വിദഗ്‌ധർ

കമ്പനി പറയുന്നത് പറയുന്നതനുസരിച്ച് ഈ ആപ്പുകൾ സോഷ്യൽ എഞ്ചിനീയറിംഗ് ഉപയോഗിച്ചാണ് ഫോണിന്റെ നിയന്ത്രണം ഏറ്റെടുക്കുന്നത്

13 ആൻഡ്രോയിഡ് ആപ്പുകളെക്കുറിച്ച് മുന്നറിയിപ്പ് നൽകി കമ്പ്യൂട്ടർ സുരക്ഷാ കമ്പനിയായ മക്കഫേ. സ്മാർട്ട്ഫോണുകളുടെ നിയന്ത്രണം വരെ ഏറ്റെടുക്കാൻ കഴിയുന്ന തരത്തിലുള്ള അപകടമാണ് ഈ ആപ്പുകളിൽ ഒളിഞ്ഞിരിക്കുന്നതെന്നും വിദഗ്‌ധർ മുന്നറിയിപ്പ് നൽകുന്നു. ഗൂഗിൾ പ്ലേ സ്റ്റോറിലെ ആപ്പുകൾ വഴി ഏകദേശം 3,38,300 ഉപകരണങ്ങളെ ബാധിക്കുന്ന 'Xamalicious' എന്ന പുതിയ ആൻഡ്രോയിഡ് മാൽവെയറിനെയാണ് മക്കേഫേ ഗവേഷകർ കണ്ടെത്തിയിരിക്കുന്നത്. ഗൂഗിൾ പ്ലേ സ്റ്റോറിൽ നിലവിൽ 13 ആപ്പുകളെ ഈ മാൽവെയർ ബാധിച്ചിട്ടുണ്ടെന്നാണ് മക്കഫേയുടെ കണ്ടെത്തൽ. ഇവ ഇതിനോടകംതന്നെ പ്ലേ സ്റ്റോറിൽ നിന്ന് നീക്കം ചെയ്യപ്പെട്ടിട്ടുണ്ട്.

ടാപ് ആൻഡ് പേ, ഹലോ യുപിഐ; അറിഞ്ഞോ ബാങ്കിങ് മേഖലയിലെ പുതുവര്‍ഷത്തെ ഈ പ്രധാന മാറ്റങ്ങള്‍?

കമ്പനി പറയുന്നതനുസരിച്ച് ഈ ആപ്പുകൾ സോഷ്യൽ എഞ്ചിനീയറിങ് ഉപയോഗിച്ചാണ് ഫോണിന്റെ നിയന്ത്രണം ഏറ്റെടുക്കുന്നത്. ഉടമ അറിയാതെതന്നെ കമാൻഡ് ആൻഡ് കൺട്രോൾ സെർവറുമായി ആശയവിനിമയം നടത്താൻ ഫോണിനെ അനുവദിക്കുന്നു. ഈ സമയത്ത്, ഫോണിലേക്ക് രണ്ടാമത്തെ പേലോഡ് ഡൗൺലോഡ് ചെയ്യപ്പെടും. അത് ഫോണിന്റെ പൂർണ നിയന്ത്രണം ഏറ്റെടുക്കും. പരസ്യങ്ങളിൽ ക്ലിക്ക് ചെയ്യുക, ഉപയോക്തൃ സമ്മതമില്ലാതെ സാമ്പത്തിക പ്രവർത്തനങ്ങൾ ചെയ്യുക, ആപ്പുകൾ ഇൻസ്റ്റാൾ ചെയ്യുക തുടങ്ങിയ പ്രവർത്തനങ്ങൾ ഈ ആപ്പുകൾ വഴി സാധിക്കും. ഇത്തരം തട്ടിപ്പുകളിൽനിന്ന് വിട്ടു നില്‍ക്കാന്‍ ഉപയോക്താക്കൾ ജാഗ്രത പാലിക്കണമെന്ന് മുന്നറിയിപ്പിൽ വ്യക്തമാക്കുന്നുണ്ട്.

പകർപ്പവകാശ ലംഘനം: ഓപ്പണ്‍ എഐക്കും മൈക്രോസോഫ്റ്റിനുമെതിരെ നിയമനടപടിയുമായി ന്യൂയോര്‍ക്ക് ടൈംസ്

മാൽവെയർ ബാധിച്ചവയില്‍ ജാതകം നോക്കുന്നതിനും വോളിയം കൂട്ടുന്നതിനും വരെയുള്ള ആപ്പുകളുണ്ട്. പല ആപ്പുകളും പ്ലേ സ്റ്റോറിൽ നിന്ന് നീക്കം ചെയ്യപ്പെടുന്നതിന് മുൻപുതന്നെ ഒരു ലക്ഷത്തിലധികം ഡൗൺലോഡുകൾ പിന്നിട്ടിട്ടുണ്ട്. ഈ സ്‍മാർട്ട് ഫോണുകളും അവയിലെ ഡാറ്റകളും അപകട നിലയിലാണെന്നാണ് വിദഗ്‌ധർ ചൂണ്ടിക്കാണിക്കുന്നത്. മാൽവെയർ സാന്നിധ്യം മനസിലാക്കാൻ സാധിക്കാത്തതിനാലാണ് ഇത്രയധികം ഡൗൺലോഡുകൾ ഉണ്ടായത്.

Essential Horoscope for Android , 2- 3D Skin Editor for PE Minecraft എന്നിവയ്ക്കാണ് ഏറ്റവും കൂടുതൽ ഡൗൺലോഡുകൾ ഉണ്ടായിട്ടുള്ളത്.

മാൽവെയർ ബാധിച്ച ആപ്പുകൾ

Essential Horoscope for Android (com.anomenforyou.essentialhoroscope)

3D Skin Editor for PE Minecraft (com.littleray.skineditorforpeminecraft)

Logo Maker Pro (com.vyblystudio.dotslinkpuzzles)

Auto Click Repeater (com.autoclickrepeater.free)

Count Easy Calorie Calculator (com.lakhinstudio.counteasycaloriecalculator)

Sound Volume Extender (com.muranogames.easyworkoutsathome)

LetterLink (com.regaliusgames.llinkgame)

Numerology: Personal horoscope & number predictions (com.Ushak.NPHOROSCOPENUMBER)

Step Keeper: Easy Pedometer (com.browgames.stepkeepereasymeter)

Track Your Sleep (com.shvetsStudio.trackYourSleep)