അമേരിക്കയില്‍ സിനിമാ ചിത്രീകരണത്തിനിടെ കിങ് ഖാൻ ഷാരൂഖിന് പരുക്ക്. അപകടത്തില്‍ മൂക്കിന് പരുക്കേറ്റ താരത്തെ ശസ്ത്രക്രിയയ്ക്ക് വിധേയനായി. ചികിത്സയ്ക്ക് ശേഷം താരം ഇന്ത്യയില്‍ തിരിച്ചെത്തി. മുംബൈയിലെ വസതിയില്‍ വിശ്രമത്തിലാണ്.

പുതിയ ചിത്രത്തിന്റെ ഷൂട്ടിനിടെ ലോസ് ഏഞ്ചല്‍സില്‍ വച്ചാണ് ഷാരൂഖിന്റെ പരുക്കേറ്റത്. രക്തസ്രാവം നിയന്ത്രിക്കാനാവാതെ വന്നതോടെ ആശുപത്രിയിലെത്തിക്കുകയായിരുന്നു. തുടർന്ന് രക്തസ്രാവം നിയന്ത്രിക്കാനായി ചെറിയ ശസ്ത്രക്രിയയ്ക്ക് വിധേയനാക്കി. പരുക്ക് നിസാരമാണെന്നും ആശങ്ക വേണ്ടെന്നും ഡോക്ടര്‍മാര്‍ അറിയിച്ചു.

ആരോഗ്യനില തൃപ്തികരമായതിന് ശേഷം താരം ഇന്ത്യയിലേക്ക് മടങ്ങിയെത്തി. അപകടത്തെക്കുറിച്ച് ഷാരൂഖോ അദ്ദേഹവുമായി ബന്ധപ്പെട്ടവരോ ഇതുവരെ പ്രതികരിച്ചിട്ടില്ല.

പഠാന്റെ വൻ വിജയത്തിന് ശേഷം ഷാരൂഖ് നായകനാകുന്ന അറ്റ്ലി ചിത്രം ജവാൻ റിലീസിന് ഒരുങ്ങുന്നതിനിടെയാണ് ഷാരൂഖിന് അപകടം പറ്റിയത്. ചിത്രത്തിന്റെ ഫസ്റ്റ് ഗ്ലിംസ് വീഡിയോ അടുത്തയാഴ്ച എത്തും

പ്രൊജക്റ്റ് കെ എന്ന സിനിമയുടെ ചിത്രീകരണത്തിനിടെ അടുത്തിടെ അമിതാഭ് ബച്ചനും പരുക്കേറ്റിരുന്നു. സംഘട്ടന രംഗം ചിത്രീകരിക്കുന്നതിനിടെ വലതു വാരിയെല്ലിൻ്റെ പേശികൾക്ക് പരുക്കേറ്റതിനെ തുടർന്ന് ഉടൻ തന്നെ ആശുപത്രിയിൽ പ്രവേശിപ്പിച്ചു. ചികിത്സയ്ക്കും വിശ്രമത്തിനും ശേഷം ദിവസങ്ങൾ കഴിഞ്ഞാണ് അമിതാഭ് ബച്ചൻ ഷൂട്ടിങ്ങ് തിരക്കുകളിലേക്ക് മടങ്ങിയെത്തിയത്