ആരാധകരുടെ ആകാംക്ഷയ്ക്ക് വിരാമമിട്ട് സൂര്യ 42 വിന്റെ ടൈറ്റില്‍ പുറത്തുവിടാന്‍ ഒരുങ്ങുകയാണ് അണിയറ പ്രവര്‍ത്തകര്‍. തമിഴ് പുതുവത്സര ദിനമായ ഏപ്രില്‍ 14 ന് ഹൈദരാബാദില്‍ നടക്കുന്ന ചടങ്ങില്‍ ടീസര്‍ പുറത്തു വിടുമെന്നാണ് റിപ്പോര്‍ട്ട്. സിരുത്തൈ ശിവയാണ് സംവിധാനം . സ്റ്റുഡിയോ ഗ്രീനിന്റെ ബാനറില്‍ കെ ഇ ജ്ഞാനവേല്‍രാജയും യുവി ക്രിയേഷന്‍സിന്റെ ബാനറില്‍ വംശി പ്രമോദും ചേര്‍ന്നാണ് ചിത്രം നിര്‍മിക്കുന്നത്. 'സൂര്യ42' ത്രി ഡി ചിത്രമാണ് . ചിത്രത്തിന്റെ ഷൂട്ടിങ്ങ് പുരോഗമിച്ചുകൊണ്ടിരിക്കുകയാണ്.

ചിത്രം 10 ഭാഷകളില്‍ പുറത്തിറങ്ങും. ദിഷ പടാനിയാണ് ബോളിവുഡിലും നായികയായി എത്തുന്നത് . ചിത്രത്തിലൂടെയാണ് നടി തമിഴില്‍ അരങ്ങേറ്റം കുറിക്കുന്നത്. 'സൂര്യ 42' ന്റെ പ്രീ-റിലീസ് ബിസിനസ്സ് ഇതിനോടകം ആരംഭിച്ച് കഴിഞ്ഞു, ചിത്രം ഇതിനോടകം 500 കോടിക്ക് അടുത്ത് നേടിയതായാണ് റിപ്പോര്‍ട്ട്.  സിരുത്തൈ ശിവയും സൂര്യയും ഒന്നിക്കുന്ന ചിത്രം വൻ ഹിറ്റാകുമെന്നാണ് ആരാധകരുടെ പ്രതീക്ഷയും. ശിവവെട്രി പളനിസ്വാമിയാണ് ചിത്രത്തിന്റെ ഛായാഗ്രാഹണം നിര്‍വഹിക്കുന്നത്.