വാഹനത്തിന് വഴി നല്‍കിയില്ലെന്ന് ആരോപിച്ചാണ് തിരുവനന്തപുരം കരമന സ്വദേശി നന്ദുവിനെ അജ്ഞാതന്‍ കുത്തിവീഴ്ത്തിയത്. 2022 ഡിസംബര്‍ 28 നായിരുന്നു ആക്രമണം. കത്തികൊണ്ട് തുടരെയുള്ള ആക്രമണത്തിനിടെ സ്‌പൈനല്‍കോഡിന് പരുക്കേറ്റു.

പോലീസ് സ്വമേധയാ കേസെടുത്ത് അന്വേഷണം ആരംഭിച്ച് പ്രതിയെ കണ്ടെത്തിയെങ്കിലും കോടതി ജാമ്യം അനുവദിച്ചു. എട്ട് മാസങ്ങള്‍ക്കിപ്പുറവും നന്ദു എന്ന 24 കാരന്റെ ജിവിതം വീല്‍ചെയറിലാണ്. വിദഗ്ധ ചികിത്സയ്ക്കായി തമിഴ്‌നാട്ടിലെ ആശുപത്രിയിലേക്ക് കൊണ്ടുപോകാനുള്ള സാമ്പത്തികം കണ്ടെത്താന്‍ കഷ്ടപ്പെടുകയാണ് കുടുംബം.