KERALA

ഇസ്ലാമിക ശരീഅത്തിനോടും വ്യക്തി നിയമങ്ങളോടുമുള്ള സിപിഎം നിലപാടില്‍ മാറ്റമുണ്ടോ? ദയവുചെയ്ത് ധൃതരാഷ്ട്രാലിംഗനവുമായി വരരുത്

ദ ഫോർത്ത് - കോഴിക്കോട്

ഏക സിവില്‍ കോഡ് വിരുദ്ധ പ്രക്ഷോഭത്തില്‍ ഒന്നിച്ചുനില്‍ക്കാമെന്ന സിപിഎമ്മിന്റെ ക്ഷണത്തിന് മറുപടിയുമായി സമസ്ത നേതാവ്. ഇസ്ലാമിക ശരീഅത്തിനോടും വ്യക്തിനിയമങ്ങളോടുമുള്ള സിപിഎം നിലപാട് വ്യക്തമാക്കണമെന്ന് സത്താര്‍ പന്തല്ലൂര്‍ ആവശ്യപ്പെട്ടു. ഈ മാസം 15ന് കോഴിക്കോട് സംഘടിപ്പിക്കുന്ന യുസിസി വിരുദ്ധ സെമിനാറിലേക്ക് സമസ്തയെ ക്ഷണിക്കുമെന്ന പ്രഖ്യാപനത്തിന് പിന്നാലെയാണ് വ്യക്തിനിയമത്തിലെ സിപിഎം നിലപാടിനെ ചോദ്യം ചെയ്ത് സമസ്ത നേതാവ് തന്നെ രംഗത്തെത്തിയത്. ഇസ്ലാമിക ശരീഅത്തിനോടും വ്യക്തി നിയമങ്ങളോടും കടുത്ത വിയോജിപ്പ് നിലനിർത്തികൊണ്ടു തന്നെ ഏക സിവിൽ കോഡ് വിരുദ്ധ സമരത്തിലേക്ക് മുസ്ലിംങ്ങളെ ക്ഷണിക്കുന്നത് സദുദ്ദേശപരമാണോയെന്ന് സത്താര്‍ പന്തല്ലൂര്‍ ചോദിക്കുന്നു.

മുസ്ലിം സമുദായത്തിന്റെ ആശങ്കകളിൽ വിവാഹം, വിവാഹ മോചനം, അനന്തര സ്വത്തവകാശ നിയമം, ആൺ - പെൺ സ്വത്തനുപാതങ്ങൾ തുടങ്ങിയവ പ്രധാനങ്ങളാണ്. ഇവയിലൊക്കെ സിപിഎമ്മിന്റെ നിലവിലെ നിലപാടുകൾ അറിയാൻ താൽപര്യമുണ്ട്. നിലപാടുകളിൽ മാറ്റം വന്നിട്ടുണ്ടെങ്കിൽ അതുകൂടി പറഞ്ഞ് കൊണ്ടാവണം ഈ ചേർത്ത് പിടിക്കല്‍
സത്താര്‍ പന്തല്ലൂര്‍

യുസിസിയെക്കുറിച്ചുള്ള മുസ്ലിം സമുദായത്തിന്റെ ആശങ്ക ഇസ്ലാമിക ശരീഅത്തും വ്യക്തി നിയമങ്ങളും ഹനിക്കപ്പെടുന്നതുമായി ബന്ധപ്പെട്ടതാണ്. വിവാഹം, വിവാഹ മോചനം, അനന്തര സ്വത്തവകാശ നിയമം, ആൺ - പെൺ സ്വത്തനുപാതങ്ങൾ തുടങ്ങിയവ അതിൽ പ്രധാനങ്ങളാണ്. ഇവയിലൊക്കെ സിപിഎമ്മിന്റെ നിലവിലെ നിലപാടുകൾ അറിയാൻ താൽപര്യമുണ്ട്. നിലപാടുകളിൽ മാറ്റം വന്നിട്ടുണ്ടെങ്കിൽ അതുകൂടി പറഞ്ഞ് കൊണ്ടാവണം ഈ ചേർത്ത് പിടിക്കലെന്നും സത്താര്‍ പന്തല്ലൂര്‍ ഫേസ്ബുക്ക് പോസ്റ്റില്‍ വ്യക്തമാക്കി. ഇന്ത്യൻ മുസ്ലിമിനെ സംബന്ധിച്ചിടത്തോളം ഓരോ അണുവിലും അസ്തിത്വം ചോദ്യം ചെയ്യപ്പെടുകയാണ്. ഇത് അവന്റെ നിലനിൽപ്പിനായുള്ള പോരാട്ടമാണ്. ധൃതരാഷ്ട്രാലിംഗനവുമായി ദയവു ചെയ്ത് ആരും കടന്നുവരരുതെന്നും സത്താര്‍ പന്തല്ലൂര്‍ പറഞ്ഞു. സമസ്ത ഉള്‍പ്പെടെയുള്ള മതസംഘടനകളെ സി പി എം സെമിനാറിലേക്ക് ക്ഷണിക്കുമെന്ന്  സംസ്ഥാന സെക്രട്ടറി എം വി ഗോവിന്ദന്‍ വ്യക്തമാക്കിയിരുന്നു. ഇതിന് പിന്നാലെയാണ് പ്രതികരണം.

വരുന്നു അതിതീവ്ര മഴ; മൂന്നു ജില്ലകളില്‍ റെഡ് അലര്‍ട്ട്

സ്വാതി മലിവാളിനെ മർദിച്ചെന്ന പരാതി: കെജ്‌രിവാളിന്റെ മുന്‍ പിഎസ് ബൈഭവ് കുമാർ അറസ്റ്റില്‍

സ്വാതി മലിവാളിനെ പുറത്തേക്കുകൊണ്ടുവരുന്ന സുരക്ഷാഉദ്യോഗസ്ഥര്‍; പുതിയ സിസിടിവി ദൃശ്യങ്ങള്‍ പുറത്തുവിട്ട് ആംആദ്മി

കിർഗിസ്താനിൽ അന്താരാഷ്ട്ര വിദ്യാർഥികൾക്കുനേരെ ആക്രമണം; പുറത്തിറങ്ങരുതെന്ന് നിർദേശം നൽകി ഇന്ത്യയും പാകിസ്താനും

ആര്‍എസ്എസിന്റെ സഹായംവേണ്ട കാലം കഴിഞ്ഞു; ബിജെപി വളര്‍ന്നു, ശക്തി പ്രാപിച്ചു: ജെ പി നദ്ദ