കേന്ദ്ര അനുമതിയില്ലാതെ പണപ്പിരിവ് നടത്തി; വിഡി സതീശനെതിരെ വിജിലന്‍സ് അന്വേഷണം
പ്രതിപക്ഷ നേതാവ് വിഡി സതീശനെതിരെ വിജിലൻസ് അന്വേഷണത്തിന് ഉത്തരവിട്ട് സർക്കാർ. പറവൂർ നിയമസഭാ മണ്ഡലത്തിൽ പ്രളയത്തിനുശേഷം നടപ്പിലാക്കിയ പുനർജനി പദ്ധതിയുടെ പേരിലാണ് അന്വേഷണം.
അനുമതിയില്ലാതെ വിദേശസഹായം സ്വീകരിച്ചെന്ന് കാണിച്ച് ചാലക്കുടി കാതിക്കുളം ആക്ഷന്‍ കൗണ്‍സില്‍ നല്‍കിയ പരാതിയുടെ അടിസ്ഥാനത്തിലാണ് നടപടി. കേന്ദ്ര അനുമതിയില്ലാതെ വിദേശത്ത് നിന്ന് പണം പിരിച്ചുവെന്നാണ് പരാതി. 2018 ലെ പ്രളയത്തില്‍ പറവൂര്‍ മണ്ഡലത്തില്‍ വീട് നഷ്ടപ്പെട്ടവര്‍ക്ക് വീട് വെച്ച് നല്‍കുന്നതിനാണ് വി ഡി സതീശന്‍ പുനര്‍ജനി പദ്ധതിക്ക് തുടക്കം കുറിച്ചത്
മുഖ്യമന്ത്രി പിണറായി വിജയന്‍ അമേരിക്കയിലേക്ക് പോകുന്നതിനു മുന്‍പാണ് പ്രാഥമിക അന്വേഷണത്തിന് ഉത്തരവിട്ടത്. പുനര്‍ജനി പദ്ധതിയിലൂടെ വിദേശത്ത് നിന്ന് ലഭിച്ച പണം ചിലവഴിച്ചതിലെ ക്രമക്കേടുകള്‍, വിദേശയാത്രകള്‍, പണപിരിവ് എന്നിവയായിരിക്കും വിജിലന്‍സിന്റെ അന്വേഷണ പരിധിയില്‍ വരിക. സര്‍ക്കാര്‍ ഉത്തരവ് ലഭിക്കുന്ന മുറയ്ക്ക് എറണാകുളം വിജലന്‍സ് യൂണിറ്റ് അന്വേഷണം ആരംഭിക്കും.