ഗൗതം മേനോൻ ആദ്യമായി മലയാളത്തിൽ; മമ്മൂട്ടി കമ്പനിയുടെ ആറാമത്തെ ചിത്രം, ഒരുങ്ങുന്നത് ഇൻവെസ്റ്റിഗേഷൻ ത്രില്ലർ

ഗൗതം മേനോൻ ആദ്യമായി മലയാളത്തിൽ; മമ്മൂട്ടി കമ്പനിയുടെ ആറാമത്തെ ചിത്രം, ഒരുങ്ങുന്നത് ഇൻവെസ്റ്റിഗേഷൻ ത്രില്ലർ

കൊച്ചിയിൽ നടന്ന പൂജ ചടങ്ങിൽ മമ്മൂട്ടി, ഗൗതം മേനോൻ എന്നിവർക്കൊപ്പം ഗോകുൽ സുരേഷ്, ലെന, രമേശ് പിഷാരടി തുടങ്ങിയവരും പങ്കെടുത്തു

തെന്നിന്ത്യൻ സൂപ്പർ സംവിധായകൻ ഗൗതംമേനോൻ ആദ്യമായി മലയാളത്തിൽ ഒരുക്കുന്ന ചിത്രം കൊച്ചിയിൽ ആരംഭിച്ചു. മെഗാസ്റ്റാർ മമ്മൂട്ടി നായകനാവുന്ന ചിത്രം നിർമിക്കുന്നതും മമ്മൂട്ടി തന്നെയാണ്. മമ്മൂട്ടി കമ്പനിയുടെ ആറാമത്തെ ചിത്രമാണ് അണിയറയിൽ ഒരുങ്ങുന്നത്.

കൊച്ചിയിൽ നടന്ന പൂജ ചടങ്ങിൽ മമ്മൂട്ടി, ഗൗതം മേനോൻ എന്നിവർക്കൊപ്പം ഗോകുൽ സുരേഷ്, ലെന, രമേശ് പിഷാരടി തുടങ്ങിയവരും പങ്കെടുത്തു. ചിത്രത്തിന്റെ ഫസ്റ്റ് ക്ലാപ് രമേശ് പിഷാരടിയും ലെനയും ചേർന്ന് നിർവഹിച്ചു.

ഗോകുൽ സുരേഷ് ചിത്രത്തിൽ നിർണായക വേഷത്തിൽ എത്തുന്നുണ്ട്. ക്രൈം ഇൻവെസ്റ്റിഗേഷൻ ത്രില്ലർ ഗണത്തിൽ പെടുന്നതാണ് ചിത്രം. കൊച്ചിയിലെ 12 ദിവസത്തെ ഷൂട്ടിന് ശേഷം മൂന്നാർ, വാഗമൺ, ചെന്നൈ തുടങ്ങിയ സ്ഥലങ്ങളിലും ചിത്രീകരണം നടക്കു .

ഗൗതം മേനോൻ ആദ്യമായി മലയാളത്തിൽ; മമ്മൂട്ടി കമ്പനിയുടെ ആറാമത്തെ ചിത്രം, ഒരുങ്ങുന്നത് ഇൻവെസ്റ്റിഗേഷൻ ത്രില്ലർ
'കടുത്ത വയലൻസ്', ധനുഷ് സംവിധാനം ചെയ്യുന്ന 'രായ'ന് എ സർട്ടിഫിക്കറ്റ്; പുതിയ റിലീസ് തീയതി പ്രഖ്യാപിച്ചു

എബിസിഡി എന്ന ചിത്രത്തിന്റെ തിരക്കഥാകൃത്തുക്കളായ സൂരജും നീരജുമാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. വിഷ്ണു ദേവ് ആണ് ചിത്രത്തിന്റെ ഛായാഗ്രഹണം. ചിത്രത്തിന്റെ മറ്റുവിവരങ്ങൾ പുറത്തുവിട്ടിട്ടില്ല.

നേരത്തെ മമ്മൂട്ടിയും ഗൗതം മേനോനും ബസൂക്കയിൽ ഒരുമിച്ച് അഭിനയിച്ചിരുന്നു. ഡിനോ ഡെന്നീസ് രചനയും സംവിധാനവും നിർവഹിക്കുന്ന ചിത്രം റിലീസിന് ഒരുങ്ങുകയാണ്.

logo
The Fourth
www.thefourthnews.in