ഐസ്‌ക്രീമില്‍ മനുഷ്യ വിരല്‍;'യമ്മോ' ഐസ്‌ക്രീമിനെതിരെ മലാഡ് പോലീസ് അന്വേഷണം പ്രഖ്യാപിച്ചു

ഐസ്‌ക്രീമില്‍ മനുഷ്യ വിരല്‍;'യമ്മോ' ഐസ്‌ക്രീമിനെതിരെ മലാഡ് പോലീസ് അന്വേഷണം പ്രഖ്യാപിച്ചു

ഇരുപത്തിയേഴുകാരനായ ഓര്‍ലെം ബ്രെന്ദം സെറാവോയ്ക്കാണ് അറപ്പുളവാക്കുന്ന ഈ അനുഭവം ഉണ്ടായത്

ഓണ്‍ലൈന്‍ ആയി യുവതി ഓര്‍ഡര്‍ ചെയ്ത ഐസ്‌ക്രീമില്‍ മനുഷ്യ വിരല്‍ കണ്ടെത്തി. മുംബൈയിലെ മലാഡിലാണ് ഞെട്ടിപ്പിക്കുന്ന സംഭവം നടന്നത്. മലാഡ് സ്വദേശിയായ യുവതി തന്റെ സഹോദരന് വേണ്ടി 'യമ്മോ' എന്ന ഐസ്‌ക്രീം ബ്രാന്‍ഡില്‍ നിന്നും ഓണ്‍ലൈന്‍ ആയി ഓര്‍ഡര്‍ ചെയ്ത ഐസ്‌ക്രീമിലാണ് മനുഷ്യ വിരല്‍ കണ്ടെത്തിയത്.

ഇരുപത്തിയേഴുകാരനായ ഓര്‍ലെം ബ്രെന്ദം സെറാവോയ്ക്കാണ് അറപ്പുളവാക്കുന്ന ഈ അനുഭവം ഉണ്ടായത്. തന്റെ സഹോദരി ഓര്‍ഡര്‍ ചെയ്ത് നല്‍കിയ ബട്ടര്‍ സ്‌കോച്ച് ഫ്‌ളേവറിലുള്ള കോണ്‍ ഐസ്‌ക്രീം കഴിച്ചു തുടങ്ങിയതിനു ശേഷമാണ് മനുഷ്യ വിരലിന്റെ സാനിധ്യം അദ്ദേഹം തിരിച്ചറിഞ്ഞത്. സെറാവോയുടെ സഹോദരി ഉടന്‍ തന്നെ വിവരം പോലീസിനെ അറിയിക്കുകയായിരുന്നു. പോലീസിന്റെ പ്രാഥമിക പരിശോധനയില്‍ ഐസ്‌ക്രീമില്‍ കണ്ടെത്തിയത് മനുഷ്യ വിരല്‍ തന്നെ എന്നാണ് കണ്ടെത്തല്‍.

ഐസ്‌ക്രീമില്‍ മനുഷ്യ വിരല്‍;'യമ്മോ' ഐസ്‌ക്രീമിനെതിരെ മലാഡ് പോലീസ് അന്വേഷണം പ്രഖ്യാപിച്ചു
Global Fatty Liver Day: കേരളത്തിൽ 49 ശതമാനം പേർക്ക് ഫാറ്റി ലിവർ, ആരോഗ്യമുള്ള ശരീരത്തിന് കരൾ പരിശോധന പ്രധാനം

കൂടുതല്‍ അന്വേഷണങ്ങള്‍ക്കായി വിരല്‍ ഫോറന്‍സിക് പരിശോധനയ്ക്ക് അയച്ചിരിക്കുകയാണ്. സംഭവത്തെ വളരെ ഗൗരവത്തോടെ തന്നെയാണ് എടുത്തിരിക്കുന്നതെന്നും ഐസ്‌ക്രീമിന്റെ നിര്‍മാണ കമ്പനി ഉള്‍പ്പെടെ ഉള്ള സ്ഥലങ്ങള്‍ അന്വേഷണത്തിന് വിധേയമാക്കുമെന്നും പോലീസ് അറിയിച്ചു.

logo
The Fourth
www.thefourthnews.in