രാജിന്റെയും മുജീബ് മഠത്തിലിന്റെയും ഏറെ നാളത്തെ സ്വപ്നമാണ് 28-മത് രാജ്യാന്തര ചലച്ചിത്രമേളയിൽ സഫലമായിരിക്കുന്നത്. ഐഎഫ്എഫ്കെയുടെ ഇത്തവണത്തെ ലോ​ഗോ ഡിസൈൻ ചെയ്യാനുളള അവസരം ലഭിച്ചപ്പോൾ ഇരുവരും മറ്റൊന്നും ആലോചിച്ചില്ല. ജാതിയുടെയും മതത്തിന്റെയും നിറത്തിന്റെയും ലിം​ഗത്തിന്റെയും പേരിൽ മാറ്റിനിർത്തിയിരുന്ന മുഴുവൻ മനുഷ്യരെയും ചേർത്തുപിടിക്കുകയെന്ന ആശയത്തെ മുൻനിർത്തി ലോ​ഗോ ഡിസൈൻ ചെയ്തു. രാജും മുജീബും തമ്മിലുളള കാൽനൂറ്റാണ്ട് നീണ്ട് സൗഹൃദവും ആത്മബന്ധവുമാണ് ലോ​ഗോയിൽ പ്രതിഫലിക്കുന്നത്. സിനിമയെ ഹൃദയത്തോടു ചേർത്തുപിടിച്ചു നടക്കുന്ന ഇരുവർക്കും കല ജീവിതം തന്നെയാണ്.