കണ്ണൂരിലെ ലോകനാഥ്‌ കൈത്തറി സംഘം ഇന്ന് അറിയപ്പെടുന്നത് ഒരു ഓണാക്കോടിയുടെ പേരിലാണ്. പ്രധാനമന്ത്രി നരേന്ദ്ര മോദിക്കുള്ള സംസ്ഥാന സർക്കാരിന്റെ ഔദ്യോഗിക ഓണക്കോടി നെയ്തത് കണ്ണൂർ മേലെ ചൊവ്വയിലെ ലോകനാഥ്‌ കൈത്തറി സംഘമാണ്. ഇവിടുത്തെ നെയ്ത്ത് തൊഴിലാളി ബിന്ദുവാണ് പ്രധാനമന്ത്രിക്കുള്ള കുർത്തയുടെ തുണി നെയ്തത്. താൻ നെയ്ത തുണികൊണ്ടുള്ള കുർത്ത പ്രധാനമന്ത്രി ധരിച്ച് കാണാൻ കാത്തിരിക്കുകയാണെന്ന് ബിന്ദു പറയുന്നു.

20 മീറ്റർ തുണി ഓർഡർ പ്രകാരം തിരുവനന്തപുരം ഹാൻടെക്സിലേക്ക് അയച്ചു കഴിഞ്ഞു. ബാക്കിയുള്ള 20 മീറ്റർ തുണി കൂടി നെയ്ത് അയയ്ക്കാനുള്ള തിരക്കിലാണ് ഇവർ. പ്രധാനമന്ത്രിക്കൊപ്പം മറ്റ് ചില പ്രമുഖർക്ക് കൂടി ഔദ്യോഗിക ഓണക്കോടി തയ്യാറാക്കുന്നുണ്ട്.