വിക്രം തന്നെ കർണൻ; ചിത്രം ഉപേക്ഷിച്ചിട്ടില്ലെന്ന് സംവിധായകൻ ആർ എസ് വിമൽ

വിക്രം തന്നെ കർണൻ; ചിത്രം ഉപേക്ഷിച്ചിട്ടില്ലെന്ന് സംവിധായകൻ ആർ എസ് വിമൽ

ചിത്രത്തെ കുറിച്ചുള്ള ചർച്ചകൾ തുടരുകയാണെന്ന് വിക്രം

എന്ന് നിന്റെ മൊയ്തീന് ശേഷം പ്രഖ്യാപിച്ച മഹാവീർ കർണൻ എന്ന സിനിമ ഉപേക്ഷിച്ചിട്ടില്ലെന്ന് സംവിധായകൻ ആർ എസ് വിമൽ. വിക്രം നായകനായ ചിത്രത്തിന്റെ ഏതാനും ഭാഗങ്ങൾ ചിത്രീകരിച്ചിരുന്നു . പിന്നീട് കോവിഡും ലോക്ഡൗണുമായതോടെയാണ് ബ്രേക്ക് വന്നത്. തുടർന്ന് വിക്രം നേരത്തെ കമ്മിറ്റ് ചെയ്തിരുന്ന മറ്റ് ചിത്രങ്ങളുടെ തിരക്കിലായി. ഇതാണ് ചിത്രീകരണം വൈകുന്നതിന് കാരണമെന്നും ഷൂട്ടിങ് ഉടൻ പുനരാരംഭിക്കാനാകുമെന്നാണ് പ്രതീക്ഷയെന്നും ആർ എസ് വിമൽ ദ ഫോർത്തിനോട് പറഞ്ഞു

മഹാവീർ കർണൻ ഉപേക്ഷിച്ചിട്ടില്ലെന്നും ചിത്രത്തെ കുറിച്ചുള്ള ചർച്ചകൾ തുടരുകയാണെന്നും നടൻ വിക്രവും പ്രതികരിച്ചു. പൊന്നിയിൻ സെൽവൻ ടു വിന്റെ പ്രൊമോഷന് കൊച്ചിയിലെത്തിയ വിക്രം മാധ്യമപ്രവർത്തകരുടെ ചോദ്യത്തിനുള്ള മറുപടിയിലാണ് ഇക്കാര്യം വ്യക്തമാക്കിയത് . മലയാളം , തമിഴ് , തെലുഗു, കന്നഡ, ഹിന്ദി ഭാഷകളിലായിട്ടാകും ചിത്രം ഒരുങ്ങുക

നേരത്തെ ചിത്രത്തിൽ നിന്ന് വിക്രം പിൻമാറിയെന്നും മഹാവീർ കർണൻ ആർ എസ് വിമൽ ഉപേക്ഷിച്ചെന്ന തരത്തിലും വാർത്തകൾ പ്രചരിച്ചിരുന്നു. 2018 ലാണ് ചിത്രം പ്രഖ്യാപിച്ചത്.

വിക്രം തന്നെ കർണൻ; ചിത്രം ഉപേക്ഷിച്ചിട്ടില്ലെന്ന് സംവിധായകൻ ആർ എസ് വിമൽ
'താരം' സിനിമയിൽ നിന്ന് പിൻമാറിയിട്ടില്ലെന്ന് നിവിൻ പോളി; ചിത്രീകരണം മാറ്റി വച്ചത് മേക്ക് ഓവറിനായി

അതേസമയം സംവിധായകൻ ആർ എസ് വിമലിന്റെ ഏറ്റവും പുതിയ ചിത്രം ശശിയും ശകുന്തളയും ചിത്രീകരണം പൂർത്തിയായി. റിലീസ് തീയതി ഉടൻ പ്രഖ്യാപിക്കും.

വിക്രം തന്നെ കർണൻ; ചിത്രം ഉപേക്ഷിച്ചിട്ടില്ലെന്ന് സംവിധായകൻ ആർ എസ് വിമൽ
പത്തുവര്‍ഷമായി ഇവിടെയുണ്ട്; പക്ഷെ പ്രേക്ഷകർ തിരിച്ചറിഞ്ഞത് പ്രണയവിലാസത്തിലെ വിനോദിനെ - ഹക്കീം ഷാ

Related Stories

No stories found.
logo
The Fourth
www.thefourthnews.in